Ir ao contido directamente.


Ti estás aquí > Inicio / NOTICIA / A AGADIC anuncia tres liñas de investimento en industrias culturais

A AXENCIA INCREMENTA AS AXUDAS A DESENVOLVEMENTO AUDIOVISUAL E A FESTIVAIS

A AGADIC anuncia tres liñas de investimento en industrias culturais

MISCELáNEA | febreiro 23, 2015

imaxe non dispoñible

O Consello Reitor da Axencia Galega das Industrias Culturais deu a coñecer o pasado venres a contía de tres das liñas de investimento que mantén en industrias culturais. En concreto trátanse das axudas destinadas á produción escénica, aos festivais de artes escénicas e de música e mais ao desenvolvemento de proxectos audiovisuais.

A partida orientada á posta en marcha de novas creacións de teatro, monicreques, danza, maxia ou novo circo manterá a contía de 600.000 euros coa que contaba o pasado ano. Pola súa banda, as orientadas ao desenvolvemento de proxectos audiovisuais en lingua galega sube 10.000 euros e chega aos 185.000, mentres que no caso dos festivais, destinaranse 210.000 euros aos de música e 160.000 aos de artes escénicas, que tamén suben o seu orzamento en 10.000 euros.