CORREO
RSS
A Casa das Crechas fai 25 anos
marzo 13, 2012
Un cuarto de século sendo un referente no panorama musical non se fan a diario. O pub compostelán A Casa das Crechas sábeo e para conmemoralos organizou para mañá, mércores 14 de marzo, unha festa que se prolongará a partir das seis e media da tarde. Máis de vinte e catro artistas pasarán, ao longo de cinco horas de espectáculo, polo local, dando así comezo a unha programación de aniversario prevista para todo o ano.
O evento terá entrada libre e contará coa presenza da Banda das Crechas, Xosé Manuel Budiño, Ugia Pedreira e Fred Martins, Uxía e Sérgio Tannus, Narf, Carlos Santiago, os magos Romarís e Cayetano Lledó, o Coro da Rá, Lilí dos Toxos, Acibreira, Davide Salvado, Alborada, Sara Vidal, Camilo Franco, Najla, Califa Swing Trio, Alejandro Vargas, o Coro da Rá, Xoán Curiel, Aline Frazao, Déa Troncoso, Marisol Palomo, Chick McAuley e Tony Lomba. A celebración estará conducida por Carlos Blanco e Xosé Barato. A entrada será libre e haberá petiscos e bebida para os asistentes.