O CGAC acode a ARCO coa intención de ampliar a súa colección

Galerías de arte e institucións ultiman os preparativos para que todo estea listo o xoves 15, cando comeza en Madrid unha nova edición de ARCO, a feira de arte contemporánea máis importante do Estado. Mentres as cinco galerías do país presentes na feira están en pleno proceso de creación dos seus espazos, o CGAC acaba de facer público que investirá nesta edición 280.000 euros (o convenio que subscribiu con ARCO en 1996 implica un compromiso de compra de 90.000 euros). O director do centro explicou a “El País” que xa están decididas a maior parte das exposicións. Por outra parte, o museo vigués de arte contemporánea, MARCO, acudirá a este certame pero só para realizar contactos.

Máis información en El País, na nosa hemeroteca e no web da feira