O domingo comeza en Cannes unha das feiras máis destacadas do panorama musical, o MIDEM. Alá irán as discográficas galegas e, por primeira vez, con apoio institucional. Estarán baixo a marca “GalicianTunes. Music in action” co que se inicia a nova política musical da Consellaría de Cultura. Axudas á presenza en feiras e mercados exteriores tanto de artistas como de empresas, así como liñas de subvención a produción centran os principais eixes de actuación. Isto engádese ao xa anunciado, a potenciación da difusión na música no país a través da renovada Rede Galega de Teatros e Auditorios.
Máis información no sitio web da marca Galiciantunes, no da Consellaría de Cultura, as axudas ao sector escénico e musical no DOG e sobre a Rede na nosa hemeroteca
