O Ministerio de Cultura apuntou que polo momento non construirá unha biblioteca en Vigo por non haber dotación para este equipamento nos orzamentos de 2007. O Goberno contestaba así a unha resposta do deputado popular Carlos Mantilla. Pola súa banda, a alcaldesa Corina Porro reclamaba onte que a Consellaría de Cultura participe na rehabilitación do barco Bernardo Alfageme e que esta nave se incorpore aos fondos do Museo do Mar. Porro facía esta reclamación logo de participar na primeira xuntanza do padroado deste centro despois da súa transferencia a ese departamento. Ao tempo, o padroado sinalou que o museo orientará a súa actividade cara contidos pedagóxicos, con visitas guiadas, e unidades didácticas.
Máis información no Faro de Vigosobre a biblioteca; sobre o Bernardo Alfageme e nos nosos arquivos sobre o barco; sobre a biblioteca; sobre o Museo do Mar
