O galego Norberto Fernández protagonizará un dos vindeiros números da revista "Quattrocento", que publica a editorial Dolmen. A publicación recolle en cada número catro historias de dez páxinas que abordan diferentes xéneros e que comparten o mesmo autor. Segundo adianta o debuxante, as súas historias serán de "terror, superfunny animals, romance e fantasía heroica, pero voulle dar unha volta a todos os xéneros". Norberto agarda ter acabado o seu traballo para finais do vindeiro mes de xaneiro, coa intención de que a revista saia cara a marzo de 2007.
Máis información no blog Desde mi mundo e na ficha de Norberto Fernández