O fundador de Sargadelos, un dos personaxes máis destacados da Galicia do último século, cóntanos as súas lembranzas.

"Coñecín a Castelao. Cheguei a insultalo, incluso", confesa Isaac Díaz Pardo. O fundador de Sargadelos, que está a recibir nos últimos meses constantes homenaxes, lémbranos os tempos en que era un adolescente e militaba nas Xuventudes Comunistas Unificadas. A República, a Guerra Civil, a represión e os seus inicios artísticos sucédense na voz deste veterano galeguista. Con el comezamos a nova serie de CulturagalegaTV, "Historias de Vida", unha selección de pequenas pezas audiovisuais de tres minutos que rescatan a memoria de personaxes clave na historia da nosa cultura e que foron elaboradas polo director Xan Leira, de Acuarela Films.

Mira o episodio en culturagalegaTV