O Consello da Xunta celebrado onte marca un antes e un despois na política forestal. Ou iso é o que se pretende co Plan de Recuperación Forestal e Ambiental de Galicia que se aprobou na reunión do executivo de onte e que ten un orzamento de 126 millóns de euros. As administracións local, autonómica, estatal e europea implicaranse neste programa que pretende repoboar con árbores autóctonas e que non erradicará por completo o eucalipto. Ademais desta, entre as principais medidas dadas a coñecer onte está a creación de franxas de protección nos contornos de 3.000 núcleos rurais, con especial atención ás zonas de alto risco; un programa de aproveitamento da madeira queimada e un plan de conservación de chans, de restauración hidrolóxica e de renovación de infraestruturas ambientais.
Máis información en La Voz de Galicia, Xornal, no web da Xunta
