Despois dun longo traballo de preparación co propio sector, esta mesma mañá chega ao Consello da Xunta a Lei do Libro. Este texto, que recoñece o sector editorial coma estratéxico, organiza toda unha serie de medidas para incrementar a lectura no noso país e revitalizar o panorama editorial. Accións de promoción no exterior, novas liñas de axudas, a creación dun Consello Asesor do Libro e mais dunha Cámara do Libro orientada a exportación son algunhas das medidas que se propoñen. Logo de aprobar este proxecto, o Consello da Xunta remitirao ao Parlamento, onde se debaterá á volta do verán.
Máis información no web da Xunta; en Galicia Hoxe; en La Voz de Galicia e nos nosos arquivos
