A Deputación e o Museo de Pontevedra catalogarán a obra dos artistas galegos na emigración con ocasión da nova Bienal

A presentación en Arxentina da XXIX Bienal de Arte de Pontevedra serviu para anunciar o novo proxecto que abordarán de xeito conxunto a Deputación e máis o Museo desta provincia. As dúas institucións iniciarán un proceso de catalogación e de recuperación da obra que artistas galegos desenvolveron na emigración. Autores da importancia de Castelao, Maside ou Laxeiro teñen parte da súa obra fóra do país, e nos centros galegos de atesouran destacadas coleccións que en ocasións non están aínda inventariadas. O presidente da Deputación, Rafael Louzán, anunciou a súa intención de que a bienal, que se celebra este verán, teña continuidade en Arxentina.

Máis información en Faro de Vigo e nos nosos arquivos