Os últimos lanzamentos dos que temos noticia non son exactamente BD, mais teñen bastante a ver co noso medio. Galaxia anuncia o inminente lanzamento da novela "Balada do mar salgado", de Hugo Pratt. Nesta obra, o autor achega unha versión en texto do cómic do mesmo título, primeiro protagonizado por Corto Maltés. A editora anuncia para os vindeiros meses a edición de "O desexo de ser inútil", un libro de memorias no que o mesmo autor repasa a súa biografía a partir de diferentes entrevistas. Ao tempo, sabemos da saída á rúa de "Belo Horizonte", un relato ilustrado de Miguelanxo Prado no que o autor nos achega a súa visión desta cidade brasileira.
Máis información no boletín de novas de Galaxia e no web de Norma Editorial
