Galicia, Castela a Mancha, Azores e Madeira comparten unha proximidade xeográfica pero son áreas con problemáticas propias e con perspectivas de futuro claramente diferenciadas. Analizalas a través da man de arquitectos da talla de Manuel de las Casas é o obxectivo do sétimo ciclo de “Arquitectura e Identidade Cultural” que organiza o Consello da Cultura (CCG). Un proxecto único e pioneiro en todo o Estado que pretende reflexionar sobre a relación entre a arquitectura e o territorio. Na presentación das xornadas que terán lugar do 4 ao 6 de maio estaban o presidente en funcións, Alfonso Zulueta e o coordinador da institución. Zulueta aproveitou un dos seus últimos actos como presidente do Consello para agradecer a Iago Seara o seu traballo a cargo da sección de Arquitectura.
Máis información no web do Consello
