En dez anos o índice de analfabetismo en Galicia pasou do 26% (en 1994) a algo menos do 10%. No mesmo período duplicouse o número de galegos que contan con estudos superiores, chegando ao 17,33% da poboación, segundo revelan os datos do Instituto Nacional de Estatística. No entanto, e segundo un estudo da "Fundación Conocimiento y Desarrollo", o índice de paro entre estes titulados é superior ao daquelas persoas que só contan con estudos primarios. Os universitarios galegos contan cunha taxa de desemprego do 16,5%, un punto por riba da media estatal.
Máis información en Galicia Hoxe e en Faro de Vigo
