Hai máis de cen anos que a Illa de Cortegada, en Vilagarcía de Arousa, é privada. Pero pode ser que esa situación mude en breve. O conselleiro de Medio Ambiente acaba de anunciar a intención de mercar a illa, que forma parte do Parque Nacional das Illas Atlánticas, para convertela en pública e que todo o mundo poida acceder a ela. Cortegada foi un regalo do pobo á Casa Real para que fixera aquí a súa residencia de verán. A finais dos setenta, esta vendeulle a propiedade a unha inmobiliaria . Por outra banda, o Instituto Lucense de Desenvolvemento (Inludes) acaba de concluír a recuperación e a conservación de 15 hábitats no espazo Parga-Ladra-Támoga que se leva facendo desde o 2001 con cargo ao programa Life Nature.
Máis información sobre a Illa de Cortegada en La Voz de Galicia, El Correo Gallego e sobre a conclusión da recuperación do hábitat lucense en El Correo Gallego