Cúmprense trinta anos do inicio da ditadura militar de Arxentina (1976-1983). Un país ao que emigraron moitos galegos que tamén sufriron a represión do réxime. Segundo as cifras oficiais, dos 30.000 desaparecidos 300 son galegos. Por iso, o goberno galego acaba de facer unha declaración institucional sobre os desaparecidos de orixe galega. Nela comprometeuse a atender, a través dos programas sociais e asistenciais vixentes e no ámbito das súas competencias aos familiares dos galegos desaparecidos, así como establecer un mecanismo de cooperación na investigación e na localización doutros familiares. Ademais, o vindeiro 30 de setembro, a Xunta celebrará un programa de homenaxes para honrar aos emigrantes desaparecidos.
Consulta a declaración institucional no Consello da Xunta (en pdf), La Opinión e Vieiros
