No inicio da súa carreira César Portela (Pontevedra, 1937) acudía ao Centro de Belas Artes de Madrid a pintar espidos. Corenta anos despois un dos arquitectos galegos máis internacionais volve ao mesmo edificio para ofrecer unha retrospectiva da súa evolución profesional. A mostra estará aberta ata o 9 de abril e inclúe maquetas, fotografías e vídeos. Ademais de trazar un percorrido pola súa traxectoria, supón unha exhibición de boa parte da arquitectura contemporánea de Galicia. En Madrid poden verse obras como o cemiterio de Fisterra, construído como homenaxe aos naufraxios do mar, a recuperación que fixo da Carballeira da Crespa en Lalín ou unha obra que está en fase de construción como é o auditorio de Vigo.
Máis información en La Voz de Galicia e na nosa El Correo Gallego, Círculo de Bellas Artes de Madrid e sobre César Portela na nosa hemeroteca
