Faltan menos de quince días para que comece ARCO, a feira de arte contemporáneo máis importante do Estado. Un evento no que a presenza galega se mantén malia a avultada diminución do número de galerías estatais (un 20% menos). De Galicia irán as cinco asistentes habituais: as santiaguesas Trinta e SCQ (esta vez sen VGO trala súa disolución o ano pasado), a ourensá Marisa Marimón e as viguesas Bacelos e Adhoc. Non irá o Museo de Arte Contemporáneo de Unión Fenosa (Macuf) que prefire centrarse na súa nova etapa expositiva e investir os cartos do desprazamento en dar a coñecer o museo.
Máis información sobre esta edición de ARCO no seu web, sobre a presenza galega en La Voz de Galicia, a ausencia do MACUF en El Ideal Gallego e sobre a disolución SCQ-VGO na nosa hemeroteca
