Os favoritos de Iván Salgado lévannos polo sector máis funk da rede. O home do Hammond dentro do grupo Donatore di groove suxírenos unha viaxe polo ritmo. As futuras estreas de fantasía e ciencia ficción da gran industria cinematográfica para o ano que ven e moito máis na crónica “Os 7 fantásticos” de Fran Morell. Berio Molina, artista multimedia, acompaña a Xosé Manuel Lens nos Diálogos Búmerang que repasan os valores actuais da arte contemporánea. Unha ollada diferente sobre o Nadal tráenola Xaquín Marín dentro desta escolma que recupera Trinta anos de Humor Gráfico. Con esta selección de contidos desexámosche unha boa fin de semana de festas.