Rosalía Mera e Marcos Vieitez producirán o "Hamlet" de Lino Braxe, que se estreará en febreiro

Desvelouse o misterio sobre quen vai financiar a maior aposta escénica privada que se ten feito no país. Rosp Corunna, propiedade de Rosalía Mera, e RTA, dirixida por Marcos Vieitez son as empresas que apoian economicamente a montaxe do "Hamlet". Esta obra, que dirixe Lino Braxe, conta cun orzamento de 122.000 euros, e estará ambientada na II Guerra Mundial. Manuel Manquiña como Polonio e Luís Tosar coma Hamlet son as caras máis coñecidas do reparto, que se poderá ver nas táboas a partir da estrea, o dezasete de febreiro no teatro coruñés Rosalía de Castro.

Máis información en El Ideal Gallego, en La Opinión e nos nosos arquivos