O mundo académico quere ter a súa tallada no ámbito empresarial. Por iso, acaba de crear Uninvest, unha sociedade de capital risco na que 16 universidades españolas financiarán a creación de empresas de base tecnolóxica. Esta sociedade, que conta cun fondo inicial de 13 millóns de euros, realizará de seis a oito investimentos anuais, con cantidades que van entre 100.000 e 300.000 euros aplicados a cinco sectores: tecnoloxías da información e da comunicación, biotecnoloxía, ciencias da vida, medio ambiente e novos materiais. A presentación de Uninvest tivo lugar onte en Santiago, xa que as tres universidades galegas son as que lideran esta iniciativa.
Máis información no web da USC