A falta de cinco días para o inicio do curso escolar, a Xunta de Galicia anunciaba onte que ampliará a gratuidade dos libros de texto para todos os cursos de ensino primario. Deste xeito, o goberno amplía a medida a tres novos cursos, o que suporá un custo de trece millóns de euros. A medida aprobarase oficialmente no Consello da Xunta de mañá e incluirá unha fórmula para voltarlle os cartos aos pais que xa adquiriran este material. Diferentes federacións de pais de alumnos amosaron a súa ledicia pola medida, que suporá un aforro de catrocentos euros por termo medio para as familias. Pola súa banda, os libreiros e os editores amosaron a súa preocupación por unha medida que, aseguran, prexudicará seriamente a estes sectores e acusan a Xunta de non ter dialogado con eles.
Máis información en La Voz de Galicia; en El Correo Gallegoe en La Opinión
