Un acordo entre Esquerra Republicana e o PSOE permitirá que o galego, o catalán e o vasco se poidan utilizar de novo no Congreso dos Deputados. Os discursos dos parlamentarios nestas linguas traduciríanse ao castelán. O emprego destas linguas, que se permitira o pasado febreiro quedara en suspenso polos incidentes con algúns deputados de Esquerra. Simultaneamente, o BNG solicitoulle ao Ministerio de Cultura que impida que o proxecto do Xardín da Palabra, realizado polo Concello da Coruña, exclúa o galego. Esta instalación, que pretende recuperar os arredores da Torre de Hércules, incluirá textos sobre a cidade no seu idioma orixinal canda a tradución ao español, sen que apareza na selección ningún fragmento en galego.
Máis información na edición de hoxe de Galicia Hoxe e no web do BNG
