Na sociedade de consumo na que estamos non todo é mercar. O Instituto Galego de Consumo (IGC), dependente da Consellería de Innovación, vén de comunicar que as reclamacións dos consumidores aumentaron un 20% con respecto ao último ano. Entre as 12.396 demandas interpostas o sector que máis queixas provocou foi o da telefonía (con 3.400 reclamacións), seguido do da automoción (con 900) e dos electrodomésticos (con 747 reclamacións). Directamente relacionado con isto, o importe das sancións impostas polo ICG superou os trece millóns de euros. O que tamén medrou, aínda que con menor intensidade, foi o número de consultas feitas polos usuarios cun 6% máis.
Máis información no web do Instituto Galego de Consumo
