O vindeiro 3 de setembro inaugurarase a 53 edición do Festival de Ópera da Coruña. A cita organizada pola Asociación de Amigos da Ópera ten varios puntos atractivos. Por unha banda no repertorio, que inclúe por primeira vez a posta en escena dunha ópera completa de Wagner “Lohengrin” (7 de setembro), na que Semyon Bychkov dirixirá un reparto encabezado por grandes figuras como o tenor Johan Botha ou a mezzo Petra Lang. Pola outra, nas formacións, xa que a Orquestra Sinfónica de Galicia volve ao festival, aínda que os seus compromisos reducen a súa participación á gala lírica de clausura coa chilena Cristina Gallardo-Domás. Ademais, esta edición presenta dúas óperas moi coñecidas pola afección coruñesa: “A traviata” e “A sonámbula”.
Máis información sobre o programa no web da Asociación de Amigos da Ópera
