Hoxe conclúe en Pontevedra a sondaxe arqueolóxica realizada na rúa Cobián Roffignac e Pai Amoedo con resultados máis fructíferos do agardado. Os investigadores atoparon restos da Porta de Santa Clara, que é a segunda entrada da muralla medieval. Mentres, en Vigo, a consellería de Cultura ultima a negociación co propietario do solar no que se atopou unha factoría de salazón de peixe da época galaico-romana (datada no século III) para crear un museo. Que os terreos sexan de titularidade pública é a condición previa imposta pola Dirección Xeral de Patrimonio para converter o achado nun museo.
Máis información sobre as prospecións en Pontevedra no Diario de Pontevedra e sobre o posible museo vigués en La Voz de Galicia
