Unha macabra chiscadela moi familiar abre esta edición de “Os 7 fantásticos” de Fran Morell. As novas máis recentes de ciencia ficción e fantasía de todo o planeta en primicia da man do editor de Nova Fantasía. Tamén son expoñentes do poder da imaxinación os tres videoxogos que completan a nosa longa oferta de pasatempos na sección de Entretemento. E a imaxinación posta ao servizo do humor para retratar a realidade é o que distingue a traxectoria de Xaquín Marín nestes Trinta anos de humor gráfico que repasamos.