A Consellería de Educación, Renfe e Caixanova traballan xuntas na quinta edición do Tren da Lingua. Unha iniciativa que pretende converterse nun foro para promover o uso do idioma entre os nenos de 5 e 8 anos. O tren botou a andar onte en Vigo co traxecto que une a cidade olívica con Pontevedra levando a uns douscentos escolares. Ata o 15 de xuño, o tren realizará 60 viaxes e chegará a 12.000 alumnos. No traxecto os escolares gozarán dunha obra de teatro en galego (“Ana e o tren máxico”), dun entremés e dunha serie de xogos e obxectos didácticos relacionados co uso da lingua.
Máis información en Galicia Hoxe
