Despídese de nós Elvira Riveiro co seu “Inventario Indócil” de imaxes indómitas e suxerintes co que leva oito meses acompañándonos. Xaquín Marín aporta outras tres entregas desa nosa historia a través do humor gráfico que el leva trinta anos facendo mellor ca ninguén. Deixámonos levar pola fantasía e Fran Morell trae información recente a “Os 7 fantásticos” para estar na punta da lanza da actualidade do xénero fantástico en todas as súas expresións. A nosa sección de Pasatempos ofrece variadas posibilidades de entretemento.