Máis de oito mil douscentos docentes foron consultados na enquisa que a sección de Ensino da Confederación Intersindical Galega realizou para coñecer a situación deste sector. Entre os resultados, destacou a reclamación de máis persoal que fai a maior parte destes profesionais (case o 97% dos enquisados), o incremento da atención individualizada aos alumnos (case o 91%) ou que os contidos educativos deben ter unha maior adecuación á realidade do país (segundo opina máis do 89% dos docentes). O sindicato sinala que os datos destes estudo relacionan o fracaso escolar coa falta de recursos.
Máis información en Galicia Hoxe e en La Voz de Galicia
