Na Universidade Mohammed V Souissi en Rabat as profesoras da USC Irene Rodríguez Manzano, de Ciencias Políticas, e Isabel Lirola, de Dereito inaugurarán a fase teórica do proxecto Tempus Meda IGBRIU, ‘Implantación e xestión de oficinas de Relacións Internacionais Universitarias’. A través deste proxecto, subvencionado con 400.000 euros para os vindeiros tres anos, expertos de 22 universidades do Grupo Compostela formarán aos cadros universitarios marroquís en todos os aspectos relativos a internacionalización, xestión de proxectos de investigación, recursos humanos, programas europeos de educación superior, bases de intercambio de estudantes e docentes e liñas estratéxicas de desenvolvemento estrutural universitario.
Máis información no Xornal da USC