A comisión de festas de Liñares acaba de gañarlle o pleito á SGAE que lle reclamaba 2.144 euros pola organización das festas parroquiais. O xuzgado de Primeira Instancia número 4 de Vigo acaba de fallar a favor da comisión de festas entendendo que os veciños non poden ser tratados como calquera sociedade anónima xa que carecen de ánimo de lucro. Polo demais, o tribunal considera que a SGAE xa ingresa os dereitos de autor a través das orquestras, polo que non podería cobrarlle ás comisións polo mesmo concepto. A SGAE xa anunciou que recorrerá o fallo por consideralo “ilóxico e incosistente”.
Máis información en La Voz de Galicia
