Camiñamos no gume da media noite, do tempo que transcorre queda a crónica dos días a través dos seus intérpretes. Entre eles destacan algúns que están a informarte das máis recentes noticias da fantasía e a ciencia ficción, como Fran Morell en “Os 7 fantásticos”. Tamén Elvira Riveiro fai a súa achega aos sistemas de símbolos desexables e suxestivos do noso tempo cos poemas visuais do “Inventario Indócil”. Paulino Novo pon a súa parte nun Encrucillado de calidade dentro dos pasatempos. Con eles pasarás a transparente fronteira do tempo.