Cincuenta mil persoas de todo o mundo asinaron xa para solicitar que a Torre de Hércules opte ao título de Patrimonio da Humanidade. O Instituto Torre de Hércules, encargado de desenvolver esta iniciativa, destacou que os apoios chegaron de todo o mundo de forma física, sen que haxa ningunha sinatura electrónica. O Instituto apuntou que conta tamén cun amplo dosier sobre o tema que comezará agora a distribuír entre diferentes entidades para conseguir o seu apoio. Esta institución conta con que para o 2010 a torre poida recibir o ansiado título, aínda que polo de agora o Estado Español ten conxelada a concesión do mesmo a novos monumentos.
Máis información en La Opinión; máis sobre patrimonio da humanidade nos nosos arquivos
