A cuarta edición do premio Maruxa Villanueva de interpretación teatral foi esta fin de semana para Manuel Lourenzo en recoñecemento á súa carreira teatral e ao seu traballo no monólogo “Liturxia de Tebas”. Mentres, coñecíanse tamén os gañadores dos premios San Martiño ao compromiso co galego que organiza o concello da Estrada. Edicións Fervenza, o Sporting Estrada, a cadea de tendas San Luís e o arquitecto Manuel Caamaño foron os galardoados nesta ocasión. Finalmente, rematou tamén estes días na Coruña o primeiro congreso ÑH de deseño xornalístico, que entregou os seus premios aos medios mellor deseñados de España e de Portugal sen que houbese ningún xornal galego entre os seleccionados.
Máis información sobre o premio Maruxa Villanueva en Galicia Hoxe; sobre os premios San Martiño en El Correo Gallego; sobre o congreso ÑH en La Voz de Galicia
