O presidente do padroado que rexe o Parque Nacional das Illas Atlánticas, Carlos del Álamo, anunciou que se está a estudar polo miúdo a inclusión de novos territorios "tanto marítimos como terrestres" na área protexida. A ampliación do parque tratouse na xuntanza que mantivo onte o padroado en Pontevedra, e Del Alamo explicou que a ampliación dos parques realízase logo de consolidar a protección dos territorios iniciais, un proceso que no caso das illas viuse afectado pola catástrofe do Prestige. O presidente do padroado non anunciou cales serán os novos territorios a protexer, aínda que tanto as reclamacións dos ecoloxistas coma as propostas do Ministerio de Medio Ambiente apuntaban á inclusión de zonas destacadas da Costa da Morte, a península do Grove e o Cabo Udra no Morrazo.
Máis información en La Voz de Galicia; máis sobre o parque nos nosos arquivos
