Científicos denuncian que Repsol lles nega mostras do fuel do Prestige mentres os ecoloxistas aseguran que hai aínda restos nas praias

Beatriz Morales, presidenta da Comisión de Coordinación Científica dos proxectos de investigación do Prestige, denunciaba onte que Repsol está a negarlle mostras do fuel que transportaba o barco a este organismo creado polo goberno. Segundo ela, hai un ano que están a solicitarlle á empresa mostras deste fluído para coñecer mellor os seus posíbeis efectos sobre o medio sen obteren resposta. Mentres, a Asociación para a Defensa Ecolóxica de Galiza (ADEGA) denunciou que, dous anos logo da catástrofe, quedan aínda moito fuel acumulado nas rochas e que moitas áreas da costa continúan recibindo periodicamente restos deste vertido. Neste sentido, o Comisionado do Goberno para a catástrofe ordenou facer catas en catro praias da Costa da Morte para comprobar a existencia de fuel soterrado, e recoñeceu a chegada periódica de fuel á costa ao longo deste ano.

Máis información en La Voz de Galicia; as denuncias de ADEGA en Diario de Ferrol; sobre as catas nas praias en La Opinión