A vila de Allariz convértese esta fin de semana nun escenario multicultural. Música na rúa, concertos, proxeccións de cinema, malabares e obradoiros son algunhas das propostas deste evento. Ademais do concerto de Macaco, o encontro reúne varias escolas de samba brasileira, o grupo de batucada galego Trópico de Grelos e un escenario para que os artistas de rúa que se acerquen ao lugar poidan actuar libremente. Unha xornada gastronómica dedicada a Brasil e exposicións artísticas completan un programa multidisciplinar.
Máis información en La Voz de Galicia
