Os certames Na Vangarda. Certame Galego de Novos Creadores, uns dos máis importantes para os que se inician no noso país en diversas artes, acaban de facer pública a súa nova edición. Moda, artes plásticas, banda deseñada, teatro e, como novidade, relato curto, son as modalidades nas que se pode participar. O primeiro premio en cada unha destas categorías é de seis mil euros, establecéndose un segundo de tres mil e un terceiro de mil cincocentos. A participación será obrigatoriamente individual excepto no caso do certame de teatro. Deste xeito, modalidade de BD non se poderán presentar traballos realizado conxuntamente por un debuxante e un guionista. Do mesmo xeito, tamén desaparecen as categorías por idades habituais no certame dedicado á novena arte, establecéndose unha única que irá dos dezaseis aos trinta anos.
Máis información en El Correo Gallego; descarga aquí as bases dos certames en formato pdf