Anxos Sumai entra no capítulo da automoción sentimental. Motos e coches que percorren a estrada da memoria e que nunca paran de todo. En “Anxos... de garda” a escritora consegue destilar unha esencia semanal de experiencias e reflexións situadas no punto medio entre o particular e o común, entre o íntimo e o universal. Xeografía, etnografía, historia e outras moitas disciplinas teñen reflexo nos cadros do Encrucillado para te entreter durante uns minutos percorréndoo. Dúas propostas de lecer, coñecemento e reflexión para unha longa fin de semana.