As visitas ao Verbum – Casa das Palabras de Vigo están a se multiplicar nos últimos días grazas aos grupos de escolares que se achegan a este centro para ver a mostra sobre os dez anos da iniciativa Ponte... nas Ondas. A exposición, que abriu o pasado luns e que se poderá ver até o vindeiro día dezasete, recolle un resumo do traballo desenvolvido por esta iniciativa radiofónica escolar. No primeiro día de actividade achegáronse á mostra oitocentos escolares, unha cifra moi superior aos habituais quiñentos visitantes que tiña o museo cada día.
Máis información na edición de hoxe de Atlántico Diario, no web de Ponte... nas Ondas; as nosas noticias sobre o Verbum e o noso tema sobre a iniciativa radiofónica
