Primeiro foi ela mesma (“Susana Seivane”), logo tivo “Alma de Buxo” e agora a gaiteira coruñesa acaba de sacar ao mercado “Mares de tempo”. No seu terceiro traballo recupera a esencia tradicional dos anteriores álbumes, pero avanza un paso máis ao ofrecer arranxos máis innovadores. “Mares de Tempo”, editado por Boa Music, é un CD-DVD que inclúe imaxes dos seus concertos e distintas citas internacionais, un making off e distintos momentos do proceso de gravación do disco.
