A alegría do nacemento dunha meniña, a melancolía e soidade da roupa tendida no monte, as cores da natureza, as botas que levaban anos nunha caixa... Todos estes son elementos que conflúen na narración entre a realidade e a fición que fai Anxos Sumai cada semana en “Anxos... de garda”. A escritora mestura feitos, sensacións, reflexións e lembranzas no seu artigo. E no encrucillado que esta semana presenta Paulino Novo aparecen deuses de distintas relixións, obras clásicas da literatura e moitas definicións que terás que desenguedellar para resolver o pasatempo.