Arredor de duascentas persoas achegáronse o sábado até Camelle para participar na homenaxe que a Plataforma Nunca Máis tributou a Man, o artista e ermitán que faleceu hai un ano en plena marea negra. Un relato da vida do desaparecido alemán, cancións bengalas, gaitas, acordeóns e flores conformaron o groso do acto, no que se reinvindicou a apertura dun centro que recolla a obra do falecido. Alén diso, púxose en marcha "A libreta de Man", un caderno que circulará por todo o país e no que os interesados poderán deixar a súas reflexións e ideas, conmemorando os cadernos que o propio Man daba aos seus visitantes.
Máis información no web de Nunca Máis
