Nunha viaxe de tren Anxos Sumai soña que perde a cabeza, que lle cae ao chan. "Eu quero esa cabeza porque é miña, como querería un dedo meu ou unha cicatriz que me queda na perna de xogar á estornela". Na súa crónica semanal esvaran as horas por entre os días agardando chamadas, vendo xente, lendo libros e mirando pola ventá os solpores do outono. "Anxos... de garda" chega esta semana cargado de reflexións, sentimentos e situacións que a escritora fai chegar a todos no seu formato habitual. E outra viaxe diferente é a que podedes facer polo mundo das palabras percorrendo o encrucillado de Paulino Novo que cada semana fai unha proposta diferente para pasar o tempo.