9Louro inicia a súa carreira musical con Nove noves

O muradán Martín Louro 9Louro comeza súa carreira no mundo discográfico con Nove noves. Os nove cortes do álbum amosan a variedade de estilos que manexa dentro do ámbito da música urbana este mozo de vinte anos.

O disco caracterízase por grandes doses de autobiografía e letras a expresar problemáticas íntimas, como nos cortes Os meus males ou Dios me libre. A conexión persoal chega a incluír mesmo un audio da avoa da artista para abrir o álbum e unha colaboración co seu irmán Xanma, de The Rapants.

Estes elementos combínanse con ritmos como funk, bachata, reguetón ou trap con toques de pop luminoso. Autoeditado e gravado na casa o proxecto contou coa produción de Yuly.