A illa de San Simón acolle unha nova edición do obradoiro de tradución "Con barqueira e remador"

A illa de San Simón reunirá de novo a poetas de diferentes nacionalidades ao redor do Obradoiro Internacional de Tradución Poética Con barqueira e remador, coordinado pola poeta Yolanda Castaño con financiamento da Consellería de Cultura da Xunta. O obradoiro terá lugar do 30 de setembro ata o 5 de outubro e nel participarán Radu Vancu, de Rumanía; Petar Matovic, de Serbia; Nadia Mifsud, de Malta; Andrea Cote, de Colombia; Martí Sales, de Cataluña, e Jesús Castro Yáñez, de Galicia.