Un repaso á historia da compostelá Sala NASA a través dos ollos de quen medrou nela. Esta é a proposta de O navegante. Unha viaxe a bordo da sala NASA, novela gráfica coa que Tristán Ron, nado en 1998 en Santiago, debuta na banda deseñada.
A obra parte da propia experiencia do autor como fillo dun dos membros do grupo Chévere, que xestionaba o local, e dos seus primeiros anos mergullado na actividade deste espazo artístico. Para alén de vivencias persoais, Ron reconstrúe as orixes e a evolución do proxecto cando se fan 30 anos da súa posta en marcha en 1992.
A obra, publicada por Chévere, está a venda por 18 euros e o seu lanzamento fai parte dos actos polo 35 aniversario da compañía.
A obra, publicada por Chévere, está a venda por 18 euros e o seu lanzamento fai parte dos actos polo 35 aniversario da compañía.