A Asociación Cultural Barbantia presentou a semana pasada o seu novo Anuario, correspodente a 2021. A publicación inclúe os textos das intervencións na X Semana da Historia de Noia, na que se repasan distintos aspectos do urbanismo, a arte e a arquitectura da vila durante a Idade media. Antón Rodríguez Gallardo repasa a situación de Boiro durante os anos 30 e Víctor Barbeito e Julián Bustelo abordan as intervencións arqueolóxicas no Barbanza desde 1969 ata os primeiros oitenta, considerando a especial viveza desta área na comarca. Pola súa banda, Esperanza Luz Mariño recupera a vida e obra do pobrense Antonio Paz Míguez, entre outros moitos textos. A publicación pode descargarse en pdf no web de Barbantia.
