A primeira Escola de Teatro Profesional de Galicia, a de Narón, botará a andar o vindeiro mes de outubro. Os interesados en inscribirse poden facelo a partir do luns 22 de setembro pagando unicamente trinta e cinco euros. Cada curso desta escola contará con oito materias, e o programa completo de ensino durará seis anos divididos en dous ciclos. O Padroado da Cultura, institución que promove a escola, recibiu xa duascentas solicitudes de información ao respecto desde que anunciou a creación do centro. O Concello de Narón investiu 12.000 euros na posta en marcha deste proxecto.
Máis información no Diario de Ferrol e en La Opinión