Non hai festa que cen anos dure... nin corpo que a resista. María Yáñez repasa en Sesión Vermú o devir e os efectos do festival de Ortigueira. Aínda que ela declárase abertamente máis partidaria da pachanga que do folk, a xornalista admite divertirse dabondo co festexo celta máis multitudinario do país. María tamén reflexiona sobre os hábitos populares de converter festexos en bacanais extenuantes. E aínda que as festas non duren cen anos, na historia da humanidade disque houbo quen durou moito máis, e con el comeza o encrucillado desta semana. Un pasatempo no que as palabras poden transportarnos a outros tempos e lugares coa súa capacidade evocadora, reforzada polas definicións, non sempre sinxelas, de Paulino Novo.